काठमाडौं उपत्यकामा ४४५ जनालाई कोरोना

१८ भदौ, काठमाडौं । पछिल्लो संक्रमण बढ्दै गएको काठमाडौं उपत्यकामा थप ४४५ जनालाई कोरोना पुष्टि भएको छ । पछिल्लो चौबिस घण्टामा मात्रै काठमाडौंमा सबैभन्दा धेरै ३ सय ५७ जनालाई कोरोना भएको छ ।

यस्तै ललितपुरमा ४६ र भक्तपुरमा ४२ जनालाई संक्रमण पुष्टि भएको छ । बिहीबार देशभर १ हजार २ सय २८ जनालाई संक्रमण भएको थियो । ९ सय १७ जना भने उपचारपछि निको भएर घर फर्किएका छन् । यससँगै कोरोना जित्नेको संख्या २४ हजार २ सय ७ पुगेको छ ।