गोरखामा मृत्यु भएकी वृद्धामा कोरोना

२१ भदौ, गोरखा । गोरखा अस्पतालमा मृत्यु भएकी बृद्धामा कोरोना संक्रमण पुष्टि भएको छ । गोरखा नगरपालिका–७ की ७५ वर्षीय वृद्धामा आइतबार संक्रमण पुष्टि भएको हो । उनको शनिबार मृत्यु भएको थियो ।

परिवारका तीन सदस्यमा कोरोना देखिएपछि उनको पनि स्वाव संकलन गरेर जनस्वास्थ्य प्रयोगशाला पोखरा पठाइएको थियो । उनलाई अचेत अवस्थामा शनिवार अस्पताल ल्याइएको थियो । सोही दिन अस्पतालका डाक्टरले मृत घोषणा गरेको ढकालले बताए ।

सूचना अधिकारी ढकालका अनुसार उनी मस्तिष्कघातकी बिरामी थिइन् । कोरोना पुष्टि भएपछि उनको शव सेनाले व्यवस्थापन गर्ने भएको छ ।