कोरोनाले विदेशमा थप ५ नेपालीको मृत्यु

२१ भदौ, एजेन्सी । कोरोना भाइरसबाट विदेशमा थप ५ नेपालीको ज्यान गएको छ । एनआरएनए स्वास्थ्य समितिका संयोजक डा. संजीव सापकोटाका अनुसार यो हप्ता थप ५ जनाको मृत्यु भएसँगै विदेशका १६ देशमा कोरोनाका कारण मृत्यु हुनेको संख्या २ सय पुगेको छ ।

यो हप्ता दक्षिण कोरियामा रहेका नेपालीहरुमा पहिलो पटक कोरोना भाइरसको संक्रमण देखिएको छ । जापान, अष्ट्रेलिया कतार लगायतका देशमा यो साता कोरोना संक्रमणदर सामान्य रुपमा वृद्धि भएको छ । हालसम्म विश्वका ४० देशमा रहेका नेपालीहरु कोरोना भाइरसबाट संक्रमित भएका छन् ।