चौधरी ग्रुपको कारखानामा भित्रियो कोरोना, वाईवाई चाउचाउ खाँदा होशियार !

२१ भदौ, काठमाडौं । अब वाईवाई चाउचाउ खाँदा होशियार हुनुपर्ने भएकाे छ । बर्दियाको बासगढीमा रहेको वाईवाई चाउचाउ उद्योगमा कार्यरत ४२ जना कर्मचारीलाई कोरोना भाइरसको संक्रमण पुष्टि भएपछि यस्ताे अवस्था सिर्जना हाे ।

यद्दपि खाद्यान्न वा तरकारीबाट कोरोना भाइरस नसर्ने विज्ञहरुले दावी गरिरहेता पनि चाउचाउको ताजा प्याकेटमार्फत कोरोना सर्ने संभावना अधिक रहने गरेको छ । किनभने तीनै कोरोना विज्ञहरुको भनाई अनुसार उक्त चाउचाउको प्याकेट प्लाष्टिकले बनेको हुन्छ र प्लाष्टिकमा कोरोनाका किटाणु अधिक समय रहने गरेको विज्ञहरुकै मत छ ।

नेपालबाट विश्वका अर्बपतिकाे सुचीमा परेका एक मात्र अर्बपति विनोद चौधरीको उद्योगमा कार्यरत कर्मचारीमा संक्रमण पुष्टि भएको छ । ठूलाे संख्यामा कर्मचारीलाई कोरोना देखिएपछि विनोद चौधरीको चाउचाउ उद्योग शिल गरिएको हो । भेरी अस्पताल नेपालगन्जको प्रयोगशालामा भएको पीसीआर परीक्षणमा एकै दिन उद्योगका ४२ जनामा कोरोना पुष्टि भएको थियाे । यसअघि पनि कम्पनीका कर्मचारीहरुमा कोरोना देखिएपछि उनीहरुको कन्ट्याक्ट ट्रेसिङका आधारमा स्वाब संकलन गरेर परीक्षण गर्दा ४२ जनामा पनि पोजेटिभ देखिएको हो ।

कर्मचारीमा कोरोना देखिएपछि उद्योगलाई सिल गरिएको छ । चौधरी ग्रुपका मालिक एवम् सांसद विनोद चौधरीलाई पनि कोरोना पुष्टि भई हाल निकाे भइसकेकाे छ ।