मालपोत कार्यालय खुलाउने सरकारकाे तयारी

२२ भदौ, काठमाडौं । भूमी व्यवस्था तथा सहकारी मन्त्रालयले निषेधाज्ञा थप भए पनि मालपोत कार्यालयहरु भने खुलाउने भएकाे छ । २४ गतेपछि पनि निषेधाज्ञा थप भए पनि मालपोत कार्यालयहरु भने खुलाउने तयारी मन्त्रालयले गरिरहेकाे छ । लामो समय मालपोत कार्यालयहरु बन्द हुँदा सेवाग्राहीहरु समस्यामा परेको भन्दै मन्त्रालयले यस्तो तयारी गरेको हो ।

२४ गते पछाडि निषेधाज्ञा थप भए पनि स्वास्थ्य सुरक्षाका मापदण्डहरु पालना गर्ने गरी कसरी खोल्न सकिन्छ भन्ने विषयमा छलफल भइरहेको भूमि व्यवस्थापन तथा अभिलेख विभागका महानिर्देशक शेषनारायण पौडेलले बताए । काठमाडौं उपत्यका बाहेकका जिल्लाहरुमा सम्बन्धित स्थानीय प्रशासनले भने अनुसार नै मालपोत कार्यालयहरुले सेवा दिने भएपनि काठमाडौंका विषयमा भने के गर्ने भन्ने विषयमा मन्त्री स्तरीय निर्णय हुने उनले बताए ।