पर्सा, बारा र रौतहटका २९ जनालाई कोरोना पुष्टि

२३ भदौ, वीरगञ्ज । पर्साको वीरगञ्जमा रहेको नारायणी अस्पतालको पीसीआर प्रयोगशालामा गरिएको परीक्षणमा २९ जनामा कोरोना संक्रमण पुष्टि भएको छ । सोमबार ५ सय ८० वटा स्वाब नमुना परीक्षण गर्दा २९ जनामा संक्रमण देखिएको अस्पतालले जनाएको छ ।

नयाँ संक्रमितमा पर्साका १३ जना, बाराका ९ र रौतहटका ७ जना छन् । १९ देखि ६० वर्ष उमेर समूहका संक्रमितमध्ये ८ जना महिला रहेको नारायणी अस्पतालले जनाएको छ ।