कांग्रेस महामन्त्रीलाई कोरोना आशंका !

२३ भदौ, काठमाडौं । नेपाली कांग्रेसका महामन्त्री शशांक कोइरालालाई कोरोनाको आशंका गरिएको छ । कोरोना परीक्षण गर्दा रिर्पोट शंकास्पद आएपछि उनको स्वाब संकलन गरेर फेरि परीक्षण गरिएको हो ।

धुम्बाराहीको ह्याम्स अस्पतालमा स्वाब दिएका कोइरालाको रिपोर्ट शंकास्पद आएको थियो । अस्पतालका अध्यक्ष रामशरण भण्डारीका अनुसार रिर्पोट शंकास्पद देखिएपछि फेरि परीक्षण गरिएको हो । रिर्पोट मंगलबार नै आउनेछ । कोइरालाका स्वकीय सचिव भरत तिवारीले कोरोना रिर्पोट परीक्षणबाहेक कोइरालामा अरु समस्या नरहेको बताएका छन् ।