पैसा ठीक पार्नुहोस्, बजारमा आउँदैछ ३० करोड रुपैयाँको आईपीओ

२५ भदौ, काठमाडौं । जनरल इन्स्याेरेन्स कम्पनी लिमिटेडले ३० करोड रुपैयाँको आईपीओ जारी गर्न धितोपत्र बोर्डबाट अनुमति पाएको छ । जनरल इन्स्याेरेन्सले प्रतिकित्ता १०० रुपैयाँ अंकित मूल्यको ३० लाख कित्ता आईपीओ जारी गर्न नियामक निकायबाट अनुमति पाएको हो ।

एनआइबीएल एस क्यापिटल बिक्री प्रबन्धक रहेको जनरल इन्स्याेरेन्सको अधिकृत पुँजी २ अर्ब रुपैयाँ रहेको छ ।  जसमा जारी पुँजी १ अर्ब र चुक्ता पुँजी ७० करोड रुपैयाँ रहेको छ ।

आईपीओ निष्काशनपछि चुक्ता पुँजी १ अर्ब रुपैयाँ पुग्नेछ । निर्जीवन बीमा कम्पनीहरुको न्यूनतम चुक्ता पुँजी १ अर्ब रुपैयाँ हुनुपर्ने प्रावधान छ ।

कम्पनीको केन्द्रीय कार्यालय काठमाडौं महानगरपालिका वडा नं १ हात्तीसार, काठमाडौंंमा रहेको छ । यस्तै, यस कम्पनीले ३७ वटा शाखा कार्यालय र १० वटा तेस्रो पक्ष बीमा काउन्टरमार्फत् बीमा बजारमा काम गर्दै आएको छ ।