एकैदिन अहिलेसम्मकै धेरै १९ संक्रमितको मृत्यु

२९ भदौ, काठमाडौं । नेपालमा अहिलेसम्मकै धेरै कोरोनाले एकैदिन १९ जनाको मृत्यु भएको छ । पछिल्लो २४ घण्टामा कोरोना भाइरसको संक्रमणबाट १९ जनाको मृत्यु भएको पुष्टि भएको हो ।

मृत्यु हुनेमा सबैभन्दा धेरै काठमाडौं उपत्यकामा ९ जनाको मृत्यु भएको छ । त्यसमध्ये काठमाडौंमा मात्रै ६ जनाको मृत्यु भएको छ । भक्तपुरमा दुई र ललितपुरमा एक जनाको कोरोना भाइरसको संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ ।

यस्तै कपिलवस्तु र रुपन्देहीमा दुई दुई जनाको मृत्यु भएको छ । रामेछाप, गोरखा, नवलपरासी, सिराहा, पर्सा र मोरङमा भने कोरोनाबाट एक एक जनाको मृत्यु भएको छ । पछिल्लो समय कोरोना भाइरसको संक्रमणबाट काठमाडौं उपत्यकामा मृत्यु हुनेको संख्या दैनिक बढिरहेको छ ।

मृत्तकको संख्या बढेपनि मानिसहरुमा कोरोनाप्रति झन लापरबाही गर्दा संक्रमितको संख्या घट्नुको साटो झन झन् बढिरहेको छ ।