निषेधाज्ञा पूर्णरुपमा हटाउन माग गर्दै कोटेश्वरमा व्यापारीको प्रदर्शन

३० भदौ, काठमाडौं । निषेधाज्ञा पूर्णरुपमा हटाउन माग गर्दै काठमाडौंको कोटेश्वरमा व्यापारीहरुले प्रदर्शन गरेका छन् । कोटेश्वर व्यवसायी संघले मंगलबार विहान कोटेश्वर चोकमा विरोध प्रदर्शन गरेका हुन् ।

झण्डै चार महिना लामो लकडाउन र निषेधाज्ञापछि पनि सरकारले जनजीवन सहज नपारेको भन्दै व्यापारीले विरोध प्रदर्शन गरेका हुन् । अब निषेधाज्ञा पूर्णरुपमा खुलाई सहज रुपमा व्यापार व्यवसाय गर्न पाउनुपर्ने संघको माग छ ।

बन्दाबन्दी अवधीभरको बैंक तथा वित्तीय संस्थाहरुको ब्याज मिनाहा गर्नुपर्ने, करको जरिवाना मिनाहा गर्नु पर्ने घरभाडामा सहुलियत दिनु लगायतका माग पनि कोटेश्वरका व्यापारीको छ ।