सीआईबीमा कार्यरत २६ प्रहरीलाई कोरोना संक्रमण

३० भदौ, काठमाडौं । नेपाल प्रहरीको केन्द्रीय अनुसन्धान ब्युरो सीआईबीका २६ जना अधिकारीलाई कोरोना देखिएको छ । नेपाल प्रहरी अस्पताल, महाराजगञ्जमा गरिएको परीक्षणमा एकजना प्रहरी नायब उपरीक्षक डीएसपीसहित २६ जनालाई संक्रमण पुष्टि भएको हो ।

धेरै संख्यामा प्रहरी अधिकारीलाई संक्रमण पुष्टि भएपछि ब्युरोका सबै अधिकारीको कन्ट्याक ट्रेसिङ थालिएको छ । नेपाली प्रहरी हेडक्वार्टरमा यसअघि नै कोरोना देखिएपनि सीआईबीमा भने पहिलोपटक कोरोना संक्रमण देखिएको हो ।