चोरी अभियोगमा पक्राउ परेका ५ जनालाई कोरोना

३१ भदौ, काठमाडौं । प्रहरीले १३ लाख ५० हजार रुपैयाँ चोरी गरेको अभियोग पक्राउ गरेका ५ जनालाई कोरोना भाइरस संक्रमणको पुष्टि भएको छ ।  जिल्ला अदालत, काठमाडौंबाट म्याद थप गर्नुअघि गरिएको पीसीआर जाँचमा कोरोना संक्रमण पुष्टि भएको हो ।

बौद्ध प्रहरीका अनुसार नेपाल मेडिकल कलेजको आइसोलसनमा उनीहरुलाई राखिएको छ । उनीहरुमाथि प्रहरीले चोरिएको मध्ये ८ लाख ७ हजार ५ सय रुपैयाँ पनि अभियुक्तहरुबाट बरामद गरेको छ । साथै, अढाइ लाख रुपैयाँ मूल्यांकन गरिएको मोटरसाइकल पनि बरामद भएको छ ।

अभियुक्तमा संक्रमण पुष्टि भएपछि कन्ट्याक ट्रेसिङका आधारमा गरिएको परीक्षणका क्रममा कम्तिमा २४ जना प्रहरी कर्मचारीमा पनि संक्रमण पुष्टि भएको जनाइएको छ ।