डोटीमा कार्यरत ४० जना सेनालाई संक्रमण

३१ भदाै, डाेटी । डोटीमा नेपाली सेनामा कार्यरत थप ४० जनालाई कोरोना संक्रमणको पुष्टि भएको छ। जिल्लाको दिपायल सिलगढी नगरपालिका ४ सुल्लेकस्थित नेपाली सेनाको गुरुबक्स गणमा कार्यरत ४० जनामा संक्रमण देखिएको हो ।

डोटी अस्पतालको प्रयोगशालामा बुधबार गणका १०५ जनाको कोरोना परीक्षण गरिएकोमा ४० जनाको रिपोर्ट पोजेटिभ आएको हो ।

यसअघि भदाै १६ गते सोही ब्यारेकमा कार्यरत २१ जना र मंगलवार ‘हिजो’ ६ जनामा कोरोना पुष्टि भएको थियो। यो सहित डोटीको राजपुरमा कार्यरत ६७ जनामा कोरोना पुष्टि भएको छ।