कांग्रेस महामन्त्री कोइरालाको स्वास्थ्यमा सुधार, डिस्चार्ज गर्ने तयारी

१ असोज, काठमाडौं । कोरोना भाइरसबाट संक्रमित कांग्रेस महामन्त्री शशांक कोइरालाको स्वास्थ्य अवस्थामा सुधार आएको छ । मंगलबार ज्वरो आएर निमोनिया भएपछि महामन्त्री कोइरालालाई चाबहिलको ओम अस्पताल भर्ना गरिएको छ ।

उनलाई जटिल भएपछि हिजो राती आईसीयुमा भर्ना गरिएको थियो । आईसीयुमा उपचार गरेपछि उनको स्वास्थ्य अवस्थामा क्रमिक सुधार आएको ओम अस्पतालले जनाएको छ । स्वास्थ्य अवस्था हेरेर चाँडै डिस्चार्ज गर्ने तयारी डाक्टरहरुको छ ।

सम्भवतः आजै डिस्चार्ज हुने सम्भावना रहेको पनि ओम अस्पतालले जनाएको छ ।