प्रदेश १ का सामाजिक विकासमन्त्री कोरोनामुक्त

१ असोज, विराटनगर । प्रदेश १ का सामाजिक विकासमन्त्री जीवन घिमिरे कोरोनामुक्त भएका छन् । कोरोना संक्रमण पुष्टि भएको १८ दिनपछि बिहीबार उनी संक्रमणमुक्त भएका हुन् । प्रदेश जनस्वास्थ्य प्रयोगशाला विराटनगरमा जाँच गर्दा उनको रिपोर्ट नेगेटिभ आएको हो ।

संक्रमण देखिएपछि उनी घरमै आइसोलेसनमा बसेका थिए । १८ दिनको आइसोलेसन बसाईपछि कोरोना जितेको उनले बताएका छन् । उनलाई भदौ १८ गते कोरोना संक्रमण पुष्टि भएको थियो ।