नबिल बैंकले ल्यायो आकर्षक चाडपर्ब योजना

१ असोज, काठमाडौं । कोभिड १९ महामारीको प्रभावका कारण धेरै नेपालीहरू आर्थिक कठिनाईमा छन् । यस कठिन समयमा नबिल बैंकले सँगै अघि बढ्ने आफ्नो उद्देश्य अनुरुप सम्भव भएसम्म धेरैलाई खुशी पार्ने प्रयास गर्दै समाजप्रति उत्तरदायी हुने कार्यक्रम ल्याएकाे छ ।

सकेसम्म धेरै नेपालीहरूको मुहारमा मुस्कान ल्याउन, मुलुकको विश्वासिलो बैंककाे रूपमा रहेकाे नबिल बैंकले व्यक्तिगत मुद्दती खाता, साना तथा मझौला कर्जा, धितो कर्जा, व्यक्तिगत ओभरड्राफ्ट तथा घर कर्जामा अत्यन्त आकर्षक योजना शुरू गरेको हाे ।

नेपालीहरूको मिहिनेतले कमाएको रकम राखिने व्यक्तिगत मुद्दती खाताहरूमा उच्च ब्याजदर प्रदान गर्ने र कर्जाको हकमा सोको लागत घटाउने हुनाले यस योजनाले महामारीको कारण हुने आर्थिक कठिनाइ कम गर्न मद्दत पु¥याउने  बैंकले आशा लिएकाे जनाएकाे छ ।

यस योजना अन्तर्गत १३ देखि २४ महिनासम्मको व्यक्तिगत मुद्दती खातामा ग्राहकहरुलाई बार्षिक ९ प्रतिशत ब्याजदर प्रदान गरिनेछ । त्यस्तै गरी १ बर्ष सम्मको मुद्दती खातामा बैंकले ८.५ प्रतिशत ब्याजदर प्रदान गर्नेछ । २ बर्ष भन्दा माथि र ५ बर्ष सम्मका व्यक्तिगत मुद्दती खातामा बार्षिक ९.२५प्रतिशत ब्याजदर र ५ बर्ष भन्दा माथि व्यक्तिगत मुद्दती खातामा बार्षिक ९.५० प्रतिशत ब्याजदर प्रदान गरिने बैंकले जानकारी दिएकाे छ ।

साथै, कर्जामा पनि विभिन्न स्कीम ल्याउँदै घर कर्जामा ७.४९ प्रतिशत, धितो कर्जामा र व्यक्तिगत ओभरड्राफ्टमा ७.९९ प्रतिशत, साना तथा मझौला कर्जामा रु एक करोड सम्मको कर्जामा ७.४९ प्रतिशत र रु एक करोड भन्दा माथिको कर्जामा ७.९९ प्रतिशत रहेको बैंकले जनाएको छ । यस योजना अन्तर्गत प्रदान गरिएका कर्जाहरुमा एक वर्षसम्म ब्याजदर परिवर्तन नहुने भएकाे छ ।

सन् १९८४ देखि आफ्ना ग्राहकहरुलाई समायानुकुल सेवा प्रदान गर्दै आएको नबिल बैंकका १ सय १९ शाखा, १ सय ८५ एटीएम र १ हजार ५ सय भन्दा बढी नबिल रेमिट एजेन्टहरु रहेको तथा बैंकले नेपाली बैंकिङ्ग क्षेत्रमा नवीनतम् सेवाको शुरुवात गर्न अग्रणी भूमिका खेल्नुका साथै नेपालको बैंकिङ्ग विकासको इतिहासमा कोसेढुङ्गाको रुपमा रहेको छ ।

नबिल बैंक ग्राहकवर्गको उच्च सन्तुष्टी एवम आधुनिक बैंकिङ्ग युगको शुरुवात गर्नेतर्फ केन्द्रित रहेको संस्थापक संचार विभाग प्रमुख कृष्ण सुवेदीले बताए ।