आजदेखि सौरहाका होटल खुले

१ असोज, चितवन । सौराहाका होटल खुल्न थालेका छन् । साउन १५ गते खुलेर साउन ३२ मा फेरि बन्द भएका सौराहाका पर्यटकीय होटल बिहीबारदेखि खुलेका हुन् ।

लकडाउन अन्त्य भई साउन १५ देखि सञ्चालन भएका होटलहरु कोरोना संक्रमण बढेको भन्दै जिल्ला प्रशासन कार्यालयले जारी गरेको निषेधाज्ञाका कारण साउन ३२ गतेदेखि पुनः बन्द भएका थिए ।

जिल्ला प्रशासन कार्यालय चितवनले पर्यटन विभागबाट स्वीकृत प्राप्त पर्यटक स्तरीय होटल भने खोल्न पाइने जनाएपछि सौराहाका होटल खुलेका हुन् । उनीहरुले पर्यटन बोर्डले तोकेको मापदण्ड पालना गरी विदेशी र स्वदेशी पाहुना राख्न पनि पाउनेछन् ।