रत्ननगर नगरपालिकाका मेयरलाई कोरोना

२ असोज, चितवन । चितवनको रत्ननगर नगरपालिकाका मेयर नारायण बनलाई कोरोना भाइरसको संक्रमण पुष्टि भएको छ । भदौ २८ गते स्वाब दिएका उनको शुक्रबार पोजेटिभ रिर्पोट आएको हो ।

नगर प्रमुख बनले कोरोनासँग मिल्दोजुल्दो सामान्य लक्षण देखिएपछि स्वाब दिएका थिए । उनको स्वावस्थ्य अवस्था सामान्य छ । स्वाब दिने बेलामा केही लक्षण देखिएको भए पनि अहिले भने आफ्नो स्वास्थ्य अवस्था सामान्य रहेको मेयर बनले बताए ।

उनी घरकै आइसोलेसनमा बसिरहेका छन् । पछिल्लो समय चितवनमा कोरोना संक्रमण बढ्दै गएको छ ।