अल्का र मेघा अस्पतालमा दुई संक्रमितको मृत्यु

७ असोज, ललितपुर । अल्का र मेघा अस्पतालमा उपचारारत दुई जना संक्रमितको मृत्यु भएको छ । जावलाखेलस्थित अल्का अस्पतालमा पाटनका ७४ बर्षीय वृद्धको मृत्यु भएको हो । गएको भदौ १६ गते अस्पताल भर्ना भएका उनको मंगलबार राती सवा दुई बजे मृत्यु भएको अस्पतालले जनाएको छ । उनमा कलेजोमा समस्या थियो भने दम, उच्च रक्तचापले पनि बिरामी बनाएको थियो ।

यस्तै ललितपुरकै सानेपामा रहेको मेघा अस्पतालमा धापाखेलका ८० वर्षीय वृद्धको उपचारकै क्रममा मंगलबार बेलूकी मृत्यु भएको हो । उनी गएको भदौ ६ गते अस्पताल भर्ना भएका थिए। कोरोना मृत्तकको शव सेनाले व्यवस्थापन गर्ने तयारी गरेको छ ।