१२ वर्षिया बालिकामाथि दुई दिनसम्म बलात्कार, हत्या गरेर सुन समेत लुटियो !

८ असोज, बझाङ । दुई दिनसम्म बलात्कार गरेर बझाङमा एक बालिकाको हत्या भएको पाइएको छ । बलात्कारपछि हत्या गरिएकी बालिकाको कानमा लगाएको सुन समेत लुटिएको अवस्थामा शव भेटिएपछि प्रहरीले अनुसन्धान शुरु गरेको छ ।

मष्टा गाउँपालिका–२ खिकाला घर भएकी बालिकाको सिममाडु मन्दिर नजिकै नाङ्गो अवस्थामा शव फेला परेको थियो । दुई दिनदेखि बेपत्ता बालिकाको शव भेटिएपछि स्थानीयले आफन्त र प्रहरीलाई खबर गरेका थिए ।

दुई दिनदेखि बालिकालाई घरभित्रै बन्धक बनाएर बलात्कार गरिएको र पोल खुल्ने डरले हत्या गरेर कानमा लगाएको सुन समेत लुटिएको स्थानीयको भनाई छ । स्थानीय बिुजली विश्वकर्माकी १२ वर्षीया छोरीको बलात्कारपछि हत्या भएको निष्कर्ष स्थानीयले दिएपनि थप अनुसन्धान भइरहेको प्रहरीले जनाएको छ ।

बालिकामाथि सामुहिक बलात्कार भएको अनुमान गरिएको छ । प्रहरीले सामूहिक बलात्कार गर्नेमध्येका एक राजेन्द्र बोहरालाई पक्राउ गरेर थप अनुसन्धान शुरु गरेको छ ।