बिहीबार मात्रै कोरोनाले १७ जनाको ज्यान गयो

८ असोज, काठमाडौँ । कोरोना भाइरसको संक्रमणबाट नेपालमा थप १७ जनाको मृत्यु भएको छ । बिहीबार मात्रै कोरोनाले १७ जनको ज्यान गएको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता डा. जागेश्वर गौतमका अनुसार बिहीबार १७ जनाको मृत्यु भएको हो । यससँगै नेपालमा कोरोना संक्रमणबाट मृत्यु हुनेको संख्या ४ सय ५३ पुगेको छ । पछिल्लो समय संक्रमित बढेसँगै कोरोनाबाट मृत्यु हुनेको संख्या पनि बढ्दै गएको छ ।