सांग्रिला डेभलपमेन्ट बैंकका ऋणीहरूलाई ब्याज रकममा १२% प्रतिशत छुट

८ असोज, काठमाडौं । सांग्रिला डेभलपमेन्ट बैंक लिमिटेडले कोभिड १९ को महामारीबाट बैंकका ऋणी ग्राहकहरूलाई परेको असरको मूल्यांकन गर्दै आश्विन मसान्तसम्मको ब्याज रकममा १२% आकर्षक छुटको आर्कषक योजना ल्याएको छ ।

बैंकका ऋणीहरूले २०७७ आश्विन मसान्तसम्ममा चुक्ता भुक्तान गर्न बाँकी रहेको सम्पूर्ण साँवा र ब्याज रकम आश्विन मसान्तसम्म भुक्तानी गरेमा भुक्तानी गरिएको ब्याज रकममा १२ प्रतिशत सहुलियत स्वरुप छुट दिने भएको हो । यसरी ग्राहकहरुलाई व्याज रकममा छुट दिदाँ २०७७ असार मसान्तसम्मको सो बैंकको आधारदर (Base rate) भन्दा कम नहुने गरी छुट दिईने बताइएको छ ।

उल्लेखित व्याज रकममा दिइएको छुट शेयर कर्जा, मुद्दती निक्षेप धितोमा दिइएको कर्जा, तथा लघुवित्त बित्तीय संस्था लिमिटेडको नाममा दिइएको थोक कर्जामा भने लागु नहुने बैंकले जनाएको छ ।

बैंकले ब्याज रकममा प्रदान गर्ने यस छुटले आफ्ना ऋणी ग्राहकहरुलाई हालको यस्तो विषम परिस्थितिमा केही हदसम्म भनेपनि सहयोग पुग्नेमा बैंक विश्वस्त रहेको दावी प्रमुख सञ्चालन अधिकृत अपूर्वप्रसाद जोशीले व्यक्त गरेका छन् ।