राहुलको शतक, पञ्जाबले बेंग्लोरलाई दियो विशाल लक्ष्य

८ असोज, एजेन्सी । आईपीएल क्रिकेटमा किंग्ल एलेभेन पञ्जाबका कप्तान लोकेश राहुलले शतक बनाएका छन् । रोयल च्यालेञ्जर्स बेंग्लोरविरुद्ध राहुलले १३२ रनको शतकीय इनिङ खेलेका हुन् । राहुलको शतक मद्धतमा पञ्जाबले बेंग्लोरलाई २ सय ७ रनको लक्ष्य दिएको छ ।

टस हारेर व्याटिङ थालेको पञ्जाबले निर्धारित २० ओभरमा मात्रै ३ विकेट गुमाएर २ सय ६ रन बनाएको हो । उसका लागि राहुलले शतक बनाए । ६९ बल खेलेका राहुलले ७ छक्का र १४ चौकासहित १ सय ३२ रन बनाए । आईपीएलको राहुलको यो दोस्रो शतक हो भने कोरोनाका कारण दुबईमा चलिरहेको यो सिजनको आईपीएलको पहिलो शतक हो ।

यस्तै मयंक अग्रवालले २६ रन बनाए भने निकोलस पुरनले १७ रन बनाए । बेंग्लोरका शिभम दुबेले २ तथा युज्वेन्द्र चाहलले १ विकेट लिए । २०७ रनको विशाल लक्ष्य पछ्याएको बेंग्लोरले भने निकै खराब शुरुवात गरेको छ । ४ रनमा ३ विकेट गुमाएको बेंग्लोरका कप्तान विराट कोहली पनि आउट भइसकेका छन् ।