राहुलको शतक ! सर्वाधिक रन बनाउने भारतीय व्याट्सम्यान

९ असोज, एजेन्सी । आईपीएलमा लोकेश राहुलले एक नयाँ किर्तिमान बनाएका छन् । उनले आईपीएलमा शतक हानेर सर्वाधिक रन बनाउने किर्तिमान आफ्नो नाममा लेखाएका हुन् । यसअघि यो किर्तिमान दिल्ली क्यापिटल्सका रिसभ पन्तको नाममा थियो ।

पन्तले दुई बर्षअघि हैदरावादविरुद्ध १ सय २८ रन बनाएका थिए । तर गएराती राहुलले बेंग्लोरविरुद्ध १ सय ३२ रन बनाए । १४ चौका र ७ छक्का हानेका राहुलले विष्फोटक व्याटिङ गर्दा बेंग्लोर हारेको थियो ।

२ सय ७ रनको विशाल लक्ष्य पछ्याएको बेंग्लोर १ सय ९ रनमै अलआउट भएको थियो । ९७ रनले पराजित भएको बेंग्लोरले लोकेश राहुल एक्लैले बनाएको जति पनि रन बनाउन सकेन ।

तेस्रो सर्वाधिक रन बनाउने चेन्नेईका मुरली विजय हुन् । उनले सन् २०१० मा राजस्थानविरुद्ध १ सय २७ रन बनाएका थिए । चौथो स्थानमा पञ्जाबकै वीरेन्द्र सेहवाग छन् । सेहवागले सन् २०१४ मा मुम्बईविरुद्ध १२४ रन बनाएका थिए ।