‘रेड वाइन’मा साम्राज्ञीसँग रोमान्स गर्दै पल शाह

९ असोज, काठमाडौं । चलचित्र रेड वाईनमा साम्राज्ञी राज्यलक्ष्मी शाह र पल शाह पक्का भएका छन् । रमेश पौडेलले निर्देशन गर्ने यो फिल्ममा पल र साम्राज्ञी पक्का भएका हुन् । पौडेल भने हाल अमेरिकामा छन् ।

दशैँपछि यो चलचित्रको सुटिङ शुरु हुनेछ । पल र साम्राज्ञीले पहिलो पटक पर्दा शेयर गर्न लागेका हुन् । दुई चर्चित कलाकारले एकसाथ काम गर्न पाउँदा उत्साह व्यक्त गरेका छन् ।

यस्तै, चलचित्रमा हाँस्य कलाकार सन्दिप क्षेत्री र अमेरिकामा नै बसोबास गर्दै आएकी इमिली लामाले अभिनय गर्ने पक्का भएको छ । यो चलचित्रको छायांकन अमेरिकामा नै हुने बताइएको छ । यो चलचित्रमा अमेरिकामा नै रहँदै आएका व्यवसायी पासाङ लामा र आर्यन पौडेलको लगानी रहनेछ । चलचित्रको सह–निर्मातामा भने निरु भण्डारी छिन् ।