सप्तरीमा अविरल वर्षाले पाँच सय घर जलमग्न !
नेपालबहस संवाददाता
असोज ९, २०७७ शुक्रबार २३:२८:२५
♦ धीरुभाइ
९ असोज सप्तरी । सप्तरीमा अविरल वर्षाका कारण विभिन्न नदीमा आएको बाढीले करिब पाँच सय घर जलमग्न भएको छ । पछिल्लो दुई दिनदेखिकाे अविरल वर्षाले विभिन्न नदी खोलामा आएको बाढीले राजविराज नगरसहित जिल्लाको तिलाठी कोइलाडी, हनुमाननगर कंकालीनी नगरपालिका लगायतका गरी पाँच सय घर जलमग्न भएको हो ।
पछिल्लो दुई दिनदेखि अविरल वर्षाले स्तरोन्नती राष्ट्रिय आयोजनाको हुलाकी सडक खण्डको विभिन्न स्थानमा हिलाम्मै कारण बाटो अवरुद्ध भएको छ । अविरल वर्षाका कारण सप्तरीको तिलाठी कोइलाडी गाउँपालिकाका आधा दर्जन गाउँबस्तिका २५० घर जलमग्न भएको सो गाउँपालिकाका विपद् व्यवस्थापन अधिकृत राजेशकुमार झाले जानकारी दिए ।
तिलाठी कोइलाडी गाउँपालिका वार्ड नम्बर १ बेल्हीमा खाँडो खोलाको बाढी पस्दा ५०, वर्षाले वार्ड नम्बर ३ सकरपुरामा ५०, जिता, महुली, खाँडो, सप्तकोशी नदीको बाढीले वार्ड नम्बर ४,५ कोइलाडी र कोइलाडी बर्साइनका करिब ७५ घर जलमग्न भएको उनले बताए । ती बस्तिका घर आगनमा दुई फिटसम्म पानी पसेको छ ।
गाउँपालिकाको विभिन्न वार्डमा बाढीले जलमग्न भएको बस्तिको निरीक्षण अनुगमन गर्न टोली परिचालन गरिसकेको तिलाठी कोइलाडी गाउँपालिका अध्यक्ष सतिशकुमार सिंहले तत्काल उद्धार, राहत तथा व्यवस्थापन गर्नुपर्ने भए टोलीले गर्ने जानकारी दिए ।
यस्तै अविरल वर्षाका कारण राजविराज नगरको वडा नं १, ५, ६, ७ र ९ सहित टोलहरुका गरी करिब एक सय घर जलमग्न भएको छ । राजविराजको अदालत रोड, खैरसाल, पुलचौक, सिरहारोड, सरस्वती टोल, बिहारपुर लगायत जलमग्न हुँदा आवतजावतमा समस्या भोगनु परेको छ ।
यसैगरी हनुमाननगर कंकालीनी नगरपालिका वार्ड नम्बर १४ रम्पुरा मल्हनियाँ स्थित सप्तकोशी नदीको पश्चिमी तटबन्धका ५० भन्दा बढी घरमा सप्तकोशी नदीको बाढी पसेको छ । जिल्लाको विभिन्न नदीमा बाढीले सप्तकोशी, कञ्चनरूप, अग्निसाइर कृष्णासवरण, महेदवा, तिरहुत र रुपनी गाउँपालिकाका दर्जनौँ गाउँबस्ती जलमग्न भएको छ । लगातारको वर्षाले खाँडो, जिता, महुली, त्रियुगा, कोसी बलान, खडक नदीमा बाढीको उच्च बहाबसँगै अहिले बस्तिमा पानी पसेको छ ।
यता वर्षाका कारण स्तरोन्नती अवस्थामा रहेको राष्ट्रिय आयोजनाका हुलाकी सडक खण्डको जमुनी, विषहरीया, खुरहुरिया स्थित हिलाम्मै भएको कारण ती स्थानहरुमा बाटो नै अवरुद्ध भएको भएको स्थानीय जिवछ दासले जानकारी दिए ।जिल्लामा बाढीले क्षति गरेको सूचना कतिकतैबाट नभएको जिल्ला प्रशासन कार्यालय सप्तरीका सूचना अधिकारी आनन्द ठाकुरले तरपनि बाढी व्यवस्थापनका लागि आवश्यक तयारी अवस्थामा रहन सिंचाइ डिभिजन कार्यालय, नेपाली सेना, सशस्त्र प्रहरी र नेपाल प्रहरीलाई निर्देशन भइसकेको बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमैथिली विकास कोषको निर्माणाधीन भवनको मुख्यमन्त्री सिँहद्वारा निरीक्षण
कात्तिक १, २०८१ बिहिबार
भारतीय फिल्मी शैलीमा आए, गिरीमाथि आक्रमण गरे
असोज ३०, २०८१ बुधबार
अलौमा मेयर सिंहमाथि हातपातः डुबान समस्याका कारण स्थानीयको आक्रोश
असोज २२, २०८१ मंगलबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
नेपालबहस संवाददाता
कात्तिक १, २०८१ बिहिबार
इन्सपेक्टर शाही पक्राउ प्रकरणमा किन जोडिदैछन् एसपी थापा ?
कात्तिक १, २०८१ बिहिबार
देउवा फकाएर ओलीले राजनीतिक दलसम्बन्धी अध्यादेश ल्याएर दल फुटाउन सक्ने प्रतिपक्षीको आशंका
कात्तिक २, २०८१ शुक्रबार
सहकारीको रकम अपचलन प्रकरणमा रास्वपाका सभापति लामिछाने चाँडै पक्राउ पर्ने, प्रचण्डसँग हारगुहार
कात्तिक २, २०८१ शुक्रबार
१५ औँ महाधिवेशनमा सभापतिमा उठ्छु, ‘कन्फ्युजन’ मा नपर्नु होला : नेता कोइराला
कात्तिक २, २०८१ शुक्रबार
सिनवारको मृत्युको हमासले पनि गर्यो पुष्टि
कात्तिक २, २०८१ शुक्रबार
रवि लामिछाने पक्राउ बारे प्रहरीले सभामुखलाई दियो जानकारी
कात्तिक २, २०८१ शुक्रबार
अब के गर्छन सभामुख, के हुन्छ लामिछानेको सांसद पद
कात्तिक २, २०८१ शुक्रबार
रविको दोस्रो जेल यात्रा, सहकारीले बजायो घण्टी
कात्तिक २, २०८१ शुक्रबार
भुटानसँग बराबरीमा रोकियो नेपाल
कात्तिक २, २०८१ शुक्रबार