चेन्नेईविरुद्ध पृथ्वी शाको पहिलो अर्धशतक

९ असोज, एजेन्सी । आईपीएलमा दिल्ली क्यापिटल्सका ओपनर व्याट्सम्यान पृथ्वी शाले पहिलो अर्धशतक बनाएका छन् । टस हारेर चेन्नेईविरुद्ध दिल्लीले व्याटिङ थालेपछि ओपनिङमा आएका पृथ्वीले ४३ बल खेलर ६४ रन बनाएर आउट भए ।

आउट हुनुअघि उनले ९ चौका र १ छक्का प्रहार गरे । अर्का ओपनर व्याट्सम्यान शिखर धवनसँग मिलेर उनले ९४ रनको साझेदारी गरे । धवन भने व्यक्तिगत ३५ रनमा आउट भए । दुई जनाको साझेदारीले ११ ओभरमै दिल्लीले १०० रन कटाउन सफल भएको छ ।