सांसद उमेश श्रेष्ठलाई कोरोना संक्रमण पुष्टि

११ असोज, काठमाडौं । सांसद उमेश श्रेष्ठलाई कोरोना भाइरसको संक्रमण पुष्टि भएको छ । शनिबार गरिएको परीक्षणमा आईतबार रिर्पोट पोजेटिभ आएको सांसद श्रेष्ठले फेसबुकमा लेखेका छन् ।

अहिले स्वास्थ्य अवस्था सामान्य रहेको भन्दै उनले होस आइसोलेसनमा बसेको पनि बताएका छन् । आफ्नो सम्पर्कमा आएका अरुलाई पनि परीक्षण गर्न उनले आग्रह गरेका छन् । लिटिल एन्जल्स स्कुलका संस्थापक समेत रहेका श्रेष्ठ प्रतिनिधिसभा सांसद हुन् ।

हिसानका पूर्वअध्यक्ष रहेका श्रेष्ठ नेपालमा निजी विद्यालयमा पठनपाठन शुरु गर्ने व्यक्तिमध्येका एक हुन् । उनी नेपाली कांग्रेसको समानुपातिक कोटाबाट सांसद भएका हुन् ।