आज थप १३५१ जनामा संक्रमण, ७४२ डिस्चार्ज

१२ असोज, काठमाडौं । नेपालमा सोमबार थप १ हजार ३५१ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा १ हजार ३५१ जनामा संक्रमण पुष्टि भएको हो।

यीसहित हालसम्म संक्रमित हुनेको संख्या ७४ हजार ७४५ पुगेको छ। त्यस्तै पछिल्लो २४ घण्टामा ७४२ जना डिस्चार्ज भएका छन्। योसहित हालसम्म निको हुनेको संख्या ५४ हजार ६४० पुगेको छ।

हाल देशभर सक्रिय संक्रमितको संख्या १९ हजार ६२४ रहेको मन्त्रालयले जनाएको छ। आज देशभरका प्रयोगशालामा १० हजार ८० नमुना परीक्षण गर्दा उनीहरुमा संक्रमण पुष्टि भएको हो ।