जोर बिजोर नमान्ने ९ सय गाडी नियन्त्रणमा !

१३ असोज, काठमाडौं । कोरोना महामारीमा सरकारले लागु गरेको जोरबिजोर प्रणाली जाँच गर्दा ९ सय बढी गाडीलाई प्रहरीले नियन्त्रणमा लिएको छ । जोरबिजोर नियम उल्लंघन गरेको आरोपमा महानगरीय ट्राफिक महाशाखाले ९ सय वटा सवारीसाधन नियन्त्रणमा लिएको हो ।

महाशाखा प्रमुख एसएसपी भीमप्रसाद ढकालका अनुसार जोरबिजोर नियम पालना नभएको व्यापक गुनासो आएपछि जाँच बढाउँदा धेरै सवारीसाधन नियन्त्रणमा लिइएको हो । राजधानीका विभिन्न ४५ वटा चेक प्वाइन्टबाट ती सवारीसाधन नियन्त्रणमा लिइएको हो।

नियन्त्रणमा लिइएका सवारीसाधनलाई आइन्दा नियम पालना गराउने सर्तमा एकपटकलाई छाडिएको छ । नियन्त्रण लिने क्रममा सवारी नियम उल्लंघन गरिएका घटना पनि छन्, यस्तोमा कारबाही समेत गरिएको प्रहरीको भनाई छ ।