घाँस काट्न गएका संगम फर्किएनन्, बाघले आधा खाएको शव भेटियो !

१४ असोज, रौतहट । बाघको आक्रमणबाट रौतहटमा एक जनाको मृत्यु भएको छ । चन्द्रपुर नगरपालिका ६ का २७ वर्षीय संगम भण्डारीको बाघको आक्रमणबाट मृत्यु भएको हो ।

इलाका प्रहरी कार्यालय चन्द्रनिगाहपुरका डीएसपी हेमबहादुर शाहीका अनुसार भण्डारीको कम्मरभन्दा तलको भाग बाघले खाएको अवस्थामा बुधबार जंगलमा फेला परेको थियो ।

भण्डारी मंगलबार दिउँसो घाँस लिन जंगल गएका थिए । राति अबेरसम्म नफर्केपछि खोज्न गएका अन्य दुईजनालाई पनि बाघले आक्रमण गरेको थियो ।