नबोली नबोली तिमीसँग नबाेली, दिनै डल्दैन है मेरो तिमीलाई नहेरी

१५ असोज, काठमाडौं । गायन रियालिटी शो नेपाल आइडलको पछिल्लो संस्करणमा दोस्रो हुन सफल गायक प्रवीण बेडवाल र छोटो समयमा चर्चामा आएकी गायिका समीक्षा अधिकारीको स्वरमा “नबोली नबोली” बोलको गीत सार्वजनिक गरिएको छ।

काम गरेर देखाउनेलाई मुखले बोल्नु पर्दैन भन्ने गतिलो उदाहरण बनेका छन् अहिले गीतसंगीत र यसको श्रव्य विधाका लागि निर्देशक कार्की। हुनत एउटा गीत स्तरीय बन्नुमा एक जनाको मात्रै मेहनत काफी हुँदैन। गायक, संगीतकार र मोडलको पनि उत्तिकै योगदान हुन्छ तर ती सबैको उचित सामायोज महत्वपूर्ण विषय हो।

अर्जुन पोखरेलको शब्द, संगीत र संगीत संयोजन रहेको गीतमाथि सञ्चारकर्मी तथा म्युजिक भिडियो निर्देशक विधान कार्कीले आकर्षक म्युजिक भिडियो निर्माण गरेका छन्। उनीद्वारा निर्देशित गीतको म्युजिक भिडियोमा टिकटक स्टार सुधीर श्रेष्ठ र गरिमा शर्माले नृत्य तथा अभिनय गरेका छन्।

गीतको भिडियोमा मुखियाको घरमा काम गर्ने केटा र मुखियाकी छोरीसँगको प्रेम सम्बन्धलाई कथा बनाइएको छ। भिडियोकको छायांकन उत्सव दाहालले र सम्पादन विकास दाहालले गरेका छन्।