राजस्थानलाई हराएको कोलकत्ता आईपीएलको दोस्रो स्थानमा

१५ असोज, एजेन्सी । इन्डियन प्रिमियर लिग आईपीएल क्रिकेटमा कोलकत्ता नाइट राइडर्स विजयी भएको छ । दुबईमा बुधबार राति भएको खेलमा राजस्थान रोयल्सलाई ३७ रनले हराउँदै कोलकत्ताले दोस्रो खेलमा जित हात पारेको हो ।

दुबई अन्तराष्ट्रिय क्रिकेट स्टेडियममा कोलकत्ताले दिएको १ सय ७५ रनको लक्ष्य पछ्याएको राजस्थान २० ओभरमा ९ विकेट गुमाएर १ सय ३७ रनमै सिमित भयो । राजस्थानका टम करनले ५४ रनको अर्धशतकीय इनिङ्स खेलेपनि त्यो जितका लागि पर्याप्त भएन् ।

यस्तै जोस बट्लरले २१ रन जोड्दा राहुल टेवाटियाले १४ रन बनाए । अन्य खेलाडीले दोहोरो अंकको रन जोड्न सकेनन् । कप्तान स्टिभ स्मिथ र आक्रामक व्याट्सम्यान सञ्जु स्यामसन सस्टैमा आउट हुँदा राजस्थान पराजित हुनुको मुख्य कारण हो ।

राजस्थानलाई सस्तैमा रोक्न कोलकत्ताका भरुण चक्रवर्ती, शिवम माभी र कमलेस नगरकोटीले दुई दुई विकेट लिए । त्यसअघि टस हारेर पहिले ब्याटिङ गरेको कोलकत्ताले २० ओभरमा ६ विकेट गुमाएर १ सय ७४ रन बनाएको थियो । उसका लागि कोलकत्ताका लागि सुभमान गिलले ४७, इयोन मोर्गनले ३४, आन्द्रे रसेलले २४ र निचित रानाले २२ रन बनाए । राजस्थानका जोफ्रा आर्चरले २ विकेट लिए ।

जितसँगै ३ खेलबाट ४ अंक जोडेको कोलकत्ता दोस्रो स्थानमा उक्लिएको छ । हारेको राजस्थान रनरेटका आधारमा तेस्रो स्थानमा झरेको छ । समान अंक भएपनि राम्रो रनरेटका आधारमा दिल्ली पहिलो र बेंग्लोर चौथो स्थानमा छन् ।