क्रिकेट संघका अध्यक्ष र महासचिवलाई कोरोना

१५ असोज, काठमाडौं । नेपाल क्रिकेट संघ क्यानका अध्यक्ष चतुर बहादुर चन्दलाई कोरोना संक्रमण पुष्टि भएको छ । गएको साता चितवनमा सम्पन्न बोर्ड बैठकबाट काठमाडौँ फर्किएका चन्दले कोरोना परीक्षण गर्दा रिर्पोट पोजेटिभ आएको हो ।

उनी काठमाडौंकै एक होटलमा आइसोलेसनमा बसेका छन् । क्यानका महासचिव अशोकनाथ प्याकुरेलको पनि रिपोर्ट पोजेटिभ आएको छ। प्याकुरेल क्यानको बैठक दौरान बिरामी हुँदा अतिरिक्त २ दिन चितवन बसेका थिए। प्याकुरेलसंग चितवनमा रहेका क्यानका एक पूर्व पदाधिकारीलाई पनि कोरोनाको लक्षण देखिएको बताईएको छ।