बलिउडका प्लेब्वाय : जसले दिपिका, कट्रिना, प्रियंकादेखि आलियासम्मलाई डेट गरे !

१५ असोज, एजेन्सी । बलिउड सिनेमाको सेन्टर मात्रै होइन, चमकधमकदेखि स्टारहरुको डेडिङ केन्द्र पनि हो । खासगरी बलिउडका चर्चित कलाकार एक अर्कासँग डेट गरेर चमक धमक मच्चाउने गरेका छन् । पछिल्लो समय बलिउडका प्लेब्वाय भनेर रणवीर कपुरलाई चिनिन्छ ।

यसअघि त्यो नाम शाहिद कपुरको नाममा थियो । तर अहिले बलिउडका प्रायजसो हिरोईनसँग डेटिङ गरेका रणवीर आलिया भट्टसँग डेट गरिहेका छन् । यसअघि पनि उनले बलिउडकी चर्चित नायिकासँग रोमाँन्स गरिसकेका छन् ।

आलिया रणवीरकी छ नम्बरकी प्रेमिका हुन् भने यसअघि रणवीरले ५ जनासँग प्रेमसम्बन्ध गाँसिसकेका छन् । जुन यसप्रकार छ :

१. कट्रिना कैफ

रणवीर र कैटरिना कैफको लगभग दुई वर्षसम्म अफेयर चल्यो । सन् २०१५ देखि उनीहरु डेट गरिरहेका थिए । झण्डै डेढ बर्ष उनीहरु लिभिङ टुगेदरमा बसे । सन् २०१७ मा फिल्म ‘जग्गा जासूस’ को समयमा उनीहरुले एक अर्कासँग अलग्गिएको बताए । उनीहरुको प्रेमको सुरुवात ‘अजब प्रेम की गजब कहानी’ बाट भएको थियो ।

आफ्नी प्रेमिकालाई डेट गरेपछि सलमान रणवीरसँग निकै रिसाएका थिए । तर पछि रणवीर नै कट्रिना कैफबाट अलग्गिएका थिए । र सलमान फेरि कट्रिना कैफसँग नजिकिएका थिए ।

२. माहिरा खान

सन् २०१७ मा नै रणवीरले पाकिस्तानी अभिनेत्री तथा बलिउडकी अभिनेत्री माहिरा खानसँग सम्बन्ध राखेको विषयले चर्चा पायो । माहिराको शाहरुख खानसँगको फिल्म ‘रईस’ रिलीज हुने समयमा नै रणवीर र माहिरा हातमा चुरोट लिएको अवस्थामा भेटिएका थिए । उक्त फोटो सामाजिक सञ्जालमा भाइरल भएको थियो ।

३. दिपिका पादुकोण

रणवीर र दीपिका पादुकोणको प्रेमसम्बन्धको बारेमा थाहा नपाउने कमै होलान् । उनीहरु सन् २०१५ मा एक अर्कासँग छुट्टिएका थिए । दीपिका रणवीरसँगको ब्रेकअपपछि डि’प्रेशनमा गएकी थिइन् । उनले रणवीरसँगको सम्बन्धको बारेमा अझै पनि समय समयमा बताउने गरेकी छिन् ।

४. नगरिस खाफरी

दीपिकासँग सम्बन्धमा हुनुअघि रणवीर फिल्म ‘रकस्टार’की नायिका नगरिस फाखरीसँग सम्बन्धमा थिए । यी दुईको सम्बन्धले पनि निकै चर्चा पाएको थियो । यस्तै, रणवीर कुनै समय सोनम कपूरसँग पनि सम्बन्धमा थिए । उनीहरुको सम्बन्ध धेरै चलेन । केही महिनामा नै ब्रेकअप भयो ।

५. प्रियंका चोपडा

रणवीरले प्रियंका चोपडासँग पनि एक समय रोमान्स गरेका थिए । खासगरी प्रियंका बलिउडमा स्थापित हुने बेलामै रणवीरले चक्कर चलाएका हुन् । तर रणवीरसँगको सम्बन्ध भने प्रियंका आफैले पूर्णविराम लगाएकी थिइन् ।

प्रियका रणवीरलाई छाडेर शाहरूख खानको पछि लागेपछि उनीहरुको ब्रेकअप भएको थियो । बलिउडकै सफल मानिएका र सुन्दर नायिका भनिएका कट्रिना, दिपिका र प्रियंकासँग पनि डेट गरेकाले रणवीरलाई बलिउडका प्लेब्वाय भनिएको हो ।