जून दिन मेरो अभाव हुन्छ तिमी आउन सक्छौ

१५ असोज, काठमाडौं । गायिका रजिना रिमालको नयाँ गीत सार्वजनिक भएको छ । तिमी आउन सक्छौ बोलको गीतमा शब्द रचना डा. राजुबाबु श्रेष्ठको छ ।

संगीत हरि लम्सालले गरेको गीतमा विछोड पछि प्रेमिकाले गरेको आत्मलाप सुन्न सकिन्छ । भइसकेका गल्तिहरुलाई विर्सिएर नयाँ जीवन सुरु गर्न प्रेमिकाले गरेको आग्रहको सेरोफेरोमा केन्द्रित गीत केही वर्ष अगाडि लोकप्रिय भएको गीत “पानीको फोका–२” का रुपमा बजारमा ल्याइएको संगीतकार लम्सालले जानकारी दिए ।

गीतको भिडियोमा रियल जोडी लक्ष्मी बर्देवा र जीवन भट्टराईलाई अन स्क्रिन जोडीका रुपमा देख्न सकिन्छ । बुद्ध थापाले खिचेको भिडियो सम्पादन विष्णु खड्काले गरेका छन् । भिडियो निर्देशन पनि लक्ष्मी र जीवनले नै गरेका हुन् । गीत युट्युब च्यानल १२ नोट्समार्फत सार्वजनिक गरिएको हो ।