निमोनिया देखिएका कोरोना संक्रमितको मृत्यु

१५ असोज, बुटवल । रुपन्देहीको भैरहवामा एकजना कोरोना संक्रमितको मृत्यु भएको छ । सिद्धार्थनगर नगरपालिका १ स्थित बेलहियाका ६५ वर्षीय पुरुषको कोरोनाका कारण मृत्यु भएको हो ।

उनको उपचारकै क्रममा युनिभर्सल मेडिकल कलेज भैरहवामा मृत्यु भएको अस्पतालले जनाएको छ । सोमबार मात्रै अस्पतालमा भर्ना भएका उनको मंगलबार कोरोना पोजेटिभ रिपोर्ट आएको थियो । उनमा निमोनियाको समस्या देखिएपछि स्वास्थ्य अवस्था जटिल बनेर बिहीबार मृत्यु भएको हो ।