रोहित र पोलार्ड : जसकारण मुम्बई हार्दैन !

१६ असोज, एजेन्सी । आईपीएल क्रिकेटमा मुम्बई इन्डियन्सले पञ्जाबलाई हराएको छ । युएईमा मुम्बईले दिएको १९२ रनको लक्ष्य पछ्याएको पञ्जाब १ सय ४३ रनमै सिमित भएपछि रोहित शर्माको कप्तानीमा रहेको टिम ४८ रनले विजयी भएको हो ।

मुम्बईका लागि रोहित शर्माले ७० र किरोड पोलार्डले ४७ रन बनाएका थिए । पोलार्डले २० बलमा ४ छक्का हानेर टिमको स्कोर उच्च लक्ष्यमा पुर्याएका थिए । जसकारण मुम्बईलाई जित निकालन सहज भयो ।

पन्जाबका लागि निकोलस पुरनले ४४ र मयंक अग्रवालले २५ रन बनाउनु बाहेक अरुले गतिलो प्रदर्शन गर्न सकेनन् । पञ्जाबलाई सस्तैमा रोक्न मुम्बईका जस्प्रित बुम्राह, राहुल चाहर र जेम्स प्याट्टिसनले दुई दुई विकेट लिए । यस अघि टस हारेर पहिले ब्याटिङ गरेको मुम्बईले २० ओभरमा ४ विकेट गुमाएर १ सय ९१ रन बनाएको थियो ।

मुम्बईका लागि अर्धशतक बनाएका रोहितले आईपीएलमा ५ हजार रन पनि पूरा गरेका छन् । जितसँगै मुम्बई आईपीएल क्रिकेटको शीर्ष स्थानमा उक्लिएको छ । समान ४ अंक भएपनि दिल्ली दोस्रो र राजस्थान तेस्रो स्थानमा छन् ।