चितवनमा कोरोना संक्रमित पुरुषको मृत्यु

१८ असोज, चितवन । चितवनको भरतपुर अस्पतालमा कोरोना संक्रमित पुरुषको मृत्यु भएको छ । कालिका नगरपालिका–७ जुटपानीका ६२ वर्षीय पुरुषको आज बिहान ६ः३५ बजे मृत्यु भएको अस्पतालले जनाएको छ ।

खोकी र श्वासप्रश्वासको समस्या देखिएर अस्पताल भर्ना भएका उनलाई असोज १६ गते कोरोना संक्रमण पुष्टि भएको थियो । कोरोना संक्रमण पुष्टि भएपछि उनको स्वास्थ्य अवस्था जटिल भएको थियो ।