एकैदिन संक्रमित हुनेको संख्या ४३६४ पुग्यो

२२ असोज, काठमाडौं । नेपालमा एकैदिन कोरोना भाइरसबाट संक्रमित हुनेको संख्या ४ हजार नाघेको छ । पछिल्लो २४ घण्टामा ४ हजार ३६४ जनालाई कोरोना संक्रमण पुष्टि भएको स्वास्थ्य मन्त्रालयले जनाएको छ । यो दैनिक संक्रमित देखिएकामध्ये अहिलेस्म्मकै ठूलो संख्या हो ।

थपिएका संक्रमितमध्ये २५४० काठमाडौं उपत्यकाका हुन् । यससँगै नेपालमा कुल संक्रमितको संख्या ९८ हजार ६१७ पुगेको छ । उनीहरुमध्ये ५९० जनाको मृत्यु भएको छ भने ७१ हजार ३४३ जना कोरोनामुक्त भएर घर फर्किएका छन् ।