आईपीएलमा हैदरावादले पञ्जाबलाई हरायो

२३ असोज, एजेन्सी । आईपीएल क्रिकेटमा हैदरावादले पञ्जाबलाई हराएको छ । बिहीबार भएको खेलमा हैदरावादले पञ्जाबलाई ६९ रनले हराएको हो । दुबईमा टस जितेर पहिले व्याटिङ गरेको हैदरावादले निर्धारित २० ओभरमा ६ विकेट गुमाएर २०१ रन बनायो ।

उसका लागि जोनी बेयरस्टोले ९७ र डेभिड वार्नरले ५२ रन बनाए । पञ्जाबका रवि विश्चोनीले ३ विकेट लिए । २०२ रनको विशाल लक्ष्य पछ्याउँदै जवाफी व्याटिङ थालेको पञ्जाबले भने १६ ओभर ५ बलमा अलआउट हुदैँ १३२ रन मात्रै बनाउन सक्यो ।

उसका लागि निकोलस पुरनले सर्वाधिक ७७ रन बनाए । विष्फोट व्याटिङ गरेर टिमलाई जिताउन लागिपरेका उनलाई रशिद खानले नटराजको हातबाट क्याचआउट गराएका थिए । पञ्जाबलाई सस्तैमा अलआउट गर्न महत्वपूर्ण भूमिका खेलेका रशिदले ३ विकेट लिए ।

जितसँगै हैदरावाद ६ खेलबाट ६ अंक जोड्दै अंक तालिकाको चौथो स्थानमा उक्लेको छ । हार व्यहोरेको पञ्जाब भने पुछारमा छ ।