रियान र राहुल चम्किदा हैदरावादमाथि राजस्थानको जित

२५ असोज, एजेन्सी । आईपीएल क्रिकेटमा राजस्थान रोयल्सले सनराइजर्स हैदराबादलाई ५ विकेटले हराएको छ । दुबईमा भएको रोमाञ्चक खेलमा राजस्थानले हैदरावादलाई अन्तिम ओभरको पाँचौ बलमा ५ विकेट गुमाएर हराएको हो ।

राजस्थानका लागि राहुल टेवटिया र रियान प्रगले उत्कृष्ट प्रदर्शन गरे । दुवै जनाले उत्कृष्ट सम्हालिएर व्याटिङ गर्दै जितका लागि ८५ रनको साझेदारी गरेका थिए । राहुलले ४ चौका र २ छक्काको मद्दतमा ४५ रन बनाए । उनले रशिद खानको अन्तिम ओभरमा लगातार ३ चौका हानेर जितको आधार तयार तयार पारेका थिए । सोही कारण उनी म्यान अफ द म्याच बने ।

रियानले भने अन्तिम दुई बलमा २ रन चाहिएका बेला छक्का हानेर राजस्थानको जित सुनिश्चत गरे । २६ बल खेलेका उनले दुई चौका र दुई छक्का हानेर ४२ रनमा नटआउट रहे । कप्तान स्टिम स्मिथ र पहिलो खेलमै ओपनिङ गर्न आएका बेन स्टोक्स भने चलेनन् । सञ्चु स्यामसनले २५ रन बनाउँदा रोविन उथप्पले १८ र जोश बटलरले १६ रन जोडे ।

हैदरावादका रशिद खान र खलिल अहमदले दुई दुई विकेट लिए । त्यसअघि टस जितेर पहिले व्याटिङ गरेको हैदरावादले निर्धारित २० ओभरमा ५ विकेट गुमाएर १५८ रन बनायो । उसका लागि मनिष पाण्डेले ५४, कप्तान डेभिड वार्नरले ४८ र केन विलियमसनले अभिजित २२ रन बनाए ।

राजस्थानका लागि जोफ्रा आर्चर, कार्तिक त्यागी र जयदेव उनादकान्तले एक एक विकेट लिए । जवाफी ब्याटिङमा उत्रिएको राजस्थानले २ बल बाँकी रहँदै ५ विकेटको क्षतिमा लक्ष्य पूरा गरेको हो ।

जितसँगै राजस्थान ७ खेलबाट ६ अंकका साथ तालिकाको छैटौ स्थानमा उक्लिएको छ । हारेपनि नेटरनरेटका आधारमा हैदरावाद भने पाँचौ स्थानमा कायमै छ ।