आईपीएलमा स्मिथ र वार्नरको लडाई

६ कार्तिक, एजेन्सी । आईपीएल क्रिकेटमा हैदरावादले टस जितेर फिल्डिङ रोजेपछि राजस्थान रोयल्सले पहिले व्याटिङ शुरु गरेको छ । हैदरावादले पछिल्लो समय पहिले व्याटिङभन्दा फिल्डिङ राम्रो रहेको संकेत पाएपछि कप्तान डेभिड वार्नरले फिल्डिङ रोजेका हुन् ।

आजको खेल हैदरावाद र राजस्थानका लागि महत्वपूर्ण छन् । दुवै टिम प्लेअफ पुग्नका लागि अबका खेलमा क्रमशः जित हासिल गर्दै जानुपर्नेछ । यसअघि राम्रो प्रदर्शन गरेको हैदरवाद पछिल्लो समय खराब प्रदर्शनबाट गुज्रिएको छ । राजस्थान भने तुलनात्मक रुपमा राम्रो खेल्दै आएको छ ।

राजस्थानको कप्तानी स्टिम स्थिमले गरेका छन् । स्मिथ र वार्नर दुवै अष्ट्रेलियाका वर्तमान पूस्ताका महानमध्येका खेलाडी हुन् । तर आईपीएलमा उनीहरुको लडाई रोचक हुने गरेको छ ।