कविता : काल रात !
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
कात्तिक २०, २०७७ बिहिबार १३:२८:१३
![](https://nepalbahas.prixacdn.net/media/albums/nadita_1o06Y2kKeE.jpg)
नमिता दवाडी / न्युजिल्याड
अभाबको आगोमा जलेर खरानी हुने ?
या
अनिश्चितताको बिमानमा चढेर भै परि आउने
घटना दुर्घटनाको लागि तयार रहने ?
दोश्रो बिकल्प रोजेँ,
कालो घाम ,
बिकराल क्षितिजबाट अट्टहास हाँसिरहेथ्यो मेरो विवशतामा !
आत्म-सम्मानमा एक रति आँच आउन नदिई
मचक्क टेकेँ आमाको मुटुमा ,
नुहाएँ आँशुको छहराले सुटुक्क पसेर स्नान कक्षमा ,
फर्किएर निमोठेँ आफ्नै मुटु ,
अति प्रेमिल छायाँ ढुकढुकी बनेर बसिरहेथ्यो जहाँ !
सुनिन थाले पछि तोते बोलीमा ,
हजुर कहाँ जान लाग्नु भएको ?
म हजुरको काखमा बस्ने हो ?
हामी टि टिट जाने हो ?
फुटाएँ कानको जाली ,
मलाई अझै बलियो हुनु थियो।
टिकाउनु थियो दम्भ !
देखिन थाले पछि
ओइलाए झैँ मेरो बगैँचाको सब से किम्ती फूल
र् वाम्म रोपेँ तिर आँखाहरुमा !
कन्थै खलाँस !!
अब न दुख्यो कतै ,
न देखे आँशु ,
न सुनेँ सुँक्क-सुँक्क हृदयहरुको ,
म मुर्दा भै पसेँ बिमान घाटमा !
भ्रम रहेछ मृत्यु ,
गहिरो पीडा महशुस भो भित्र कतै ,
काँडा बिझे जस्तो बिझाईरह्यो अन्तःकरण
थाहा भयो ,
यो लास होइन !! धोका भो म माथि !!!
लासलाई दुख्दैन , पोल्दैन !
आफ्नै आँखाले देखेको छु दाउराले हान्दै लास पोलेको !
आखिर जिन्दगीले यसरी हानेर झापड ,
गरायो अनुभुती ज्युँदो हुनुको !
गरायो अवतरण जिन्दगीले एउटा अपरिचित
माटोमा ।
घोलेर असङ्ख्य बाध्यता , विवशता र चुनौतीका रङ्गहरु ,
हाने अनुसार पुर्ब निर्धारित सर्तहरुमा औँठा छाप
म बनिरहेछु परिस्थितिको नोकर !
छोएर पाउ ,
गरिरहेछु बिन्ती !
भित्ताहरुलाई पहरा दिन अँधेरी रातमा ,
फ्याउराहरुलाई जपिदिन मृत्युन्जय मन्त्र ,
बर्षालाई पखालिदिन मृत्यु ,
मतलब यो होइन कि म मृत्यु देखि भयभीत छु !
बस ! एउटै चाहना !
कुनै रात काल रात नबनोस् यो अन्जान शहरमा !!
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमैथिली साहित्यका किशोर अनुवादक विमर्श झाको कृतिमाथि अन्तरक्रिया
जेठ २६, २०८१ शनिबार
बेलबारीमा बाल कला महोत्सव
जेठ १८, २०८१ शुक्रबार
सिक्किमका राईलाई ‘द पोएट आइडल’को उपाधि
जेठ १३, २०८१ आइतबार
एमालेमा अर्थमन्त्री भेटिएन, गृह मन्त्रालय नलिन कांग्रेसमा दवाव
नेपालबहस संवाददाता
असार २४, २०८१ सोमबार
एमालेमा अर्थमन्त्री भेटिएन, गृह मन्त्रालय नलिन कांग्रेसमा दवाव
असार २४, २०८१ सोमबार
आइओएफद्वारा लगातार ४० प्यालेस्टिनीको हत्या
असार २४, २०८१ सोमबार
बागलुङमा पहिलाे पटक भेटियो कालाजार
असार २४, २०८१ सोमबार
सुदूरपश्चिममा बाढी, डुबान र पहिरोमा परी ५ जनाको मृत्यु, २ बेपत्ता
असार २४, २०८१ सोमबार
बाढीपहिरोले १९ राजमार्ग अवरुद्ध, १४ वटा सडकखण्ड एकतर्फी सञ्चालनमा
असार २४, २०८१ सोमबार
बेनी–जोमसोम सडक चार दिनपछि सञ्चालन
असार २४, २०८१ सोमबार
उद्योग वाणिज्य महासंघको अध्यक्ष अब प्रत्यक्ष निर्वाचित हुने
असार २४, २०८१ सोमबार