नेपाल एयरलाईन्समाथि लगातार प्रतिबन्ध किन ?

२७ कार्तिक, काठमाडौं । यात्रुलाई कोरोना संक्रमण देखिएपछि नेपाल एयरलाइन्स फेरि पनि प्रतिबन्धमा परेको छ । नेपाल एयरलाइन्सलाई हङकङले फेरि उडानमा रोक लगाएको हो ।

अब नेपाल एयरलाइन्स २५ नोभेम्बरसम्म हङकङ उड्न पाउने छैन । कम्पनीका अनुसार उडान निषेधका कारण पूर्वनिर्धारित १६ र २३ नोभेम्बरमा हुने उडान रद्ध गरिएको छ ।

यात्रुमा कोरोना संक्रमण पुष्टि भएपछि नेपाल एयरलाइन्स हङकङमा प्रतिवन्धमा परेको यो तेस्रोपटक हो । यसअघि कम्पनीले नेपालमा हुने पीसीआर परीक्षणमा प्रश्न उठाएको थियो ।

अर्कोतर्फ पीसीआरका लागि ल्याब दिएपछि अनिवार्य क्वारेन्टिनमा बसेर स्वास्थ्य निर्देशिकाको पालना गर्न समेत नेपाल एयरलाइन्सले यात्रुलाई आग्रह गरेको छ ।