जबरजस्ती करणी गर्ने यादव पक्राउ

८ मंसिर, काठमाडौं । जबरजस्ती करणी गरी फरार रहेका नागेश्वर राय यादव पक्राउ परेका छन् । रौतहट जिल्ला वृन्दावन नगरपालिकाकी ११ बर्षे बालिकालाई जबरजस्ती करणी गरी यादव फरार भएका थिए ।

रौतहट जिल्ला बृन्दावन नगरपालिका–४ बस्ने ३२ वर्षका यादवलाई ईलाका प्रहरी कार्यालय समनपुरबाट खटिएको प्रहरी टोलीले हिजा दिउँसो पक्राउ गरेको हो । गढीमाई नगरपालिका वडा नं.१ बागमती नदि बाँध सडकखण्डमा पल्सर मोटरसाईकलसहित फेला परेका हुन् । यादवलाई आज प्रहरीले रौतहट जिल्ला अदालत गौरमा उपस्थित गराएको छ ।