कुमारी बैंकको साधारणसभा मंसिर २९ मा, बुक क्लोज कहिले ?

८ मंसिर, काठमाडौं । कुमारी बैंक लिमिटेडले २० औं वार्षिक साधारणसभा बोलाएको छ । साे सभा आगामी मंसिर २९ गते बैंकको केन्द्रीय कार्यालय टंगालमा हुने भएको छ । कोरोनाभाइरस महामारीका कारण सभा भर्चुअल माध्यमबाट गर्न लागिएको कम्पनी सचिव अनुजमणि तिमिल्सिनाले जानकारी दिए ।

बिहान ११ः३० बजे बोलाइएको सभाले १०.८५ प्रतिशत बोनस शेयर र ३.१५ प्रतिशत नगद लाभांश वितरण गर्ने प्रस्ताव पारित गर्ने तयारी छ ।त्यस्तै मर्जरमा जाने तथा गाभ्ने–गाभिने सम्बन्धी सम्पूर्ण कार्य गर्नको लागि सञ्चालक समितीलाई अधिकार दिने प्रस्ताव पनि सोही सभामा गरिने छ ।

साधारणसभा प्रयोजनको लागि शेयरधनी दर्ता पुस्तिका मंसिर १५ गते एक दिन बन्द रहनेछ । मंसिर १४ गते सम्म कायम शेयरधनीले लाभांश पाउनेछन् ।