पोखराका पत्रकार राजकुमार घिमिरे पक्राउ

९ मंसिर, काठमाडौं । पोखराका पत्रकार राजकुमार घिमिरे पक्राउ परेका छन् । समाचार संकलन गरेर फर्कदैं गर्दा जिल्ला प्रहरी कार्यालय कास्कीले सोमबार साँझ पक्राउ गरेको हो ।

सञ्चार केन्द्र डटकम र पोखरापाटी डटकमका पत्रकार घिमिरेलाई पक्राउ गरेपछि प्रहरीले भने यसबारे स्वतन्त्र रुपमा जानकारी दिएको छैन् । उनी नेत्रविक्रम चन्द विप्लवनिकट पत्रकार मानिन्छन् ।

सञ्चारकेन्द्र डटकमले विप्लव समूहका गतिविधिबारे धेरैजसो समाचार समेत प्रकाशन गरेको छ । तर आस्था र बिचार राखेकै भरमा पत्रकारलाई पक्राउ गर्ने प्रहरीको कदम प्रेसमाथिको हस्तक्षेप भएको पत्रकारहरुको भनाई छ ।

साथै पत्रकारहरुले पत्रकार घिमिरेको निशर्त रिहाईको माग गरेका छन् ।

पुनः प्रहरी प्रशासनबाट प्रेसमाथि हस्तक्षेप गर्ने र पत्रकारलाई दुःख दिने काम कास्कीमा शुरु भएको छ । यो खेदजनक र आपत्तिपूर्ण छ । तत्काल पत्रकार घिमिरेलाई बिना शर्त रिहा गरियोस् । प्रेसमाथिको हस्तक्षेप तत्काल बन्द गरियोस् ।