कोरोना भाइरसको संक्रमणबाट सशस्त्रका इन्सपेक्टर बुढाथोकीको मृत्यु

९ मंसिर, विराटनगर । कोरोना भाइरसको संक्रमणबाट विराटनगरमा सशस्त्र प्रहरीका इन्सपेक्टरको मृत्यु भएको छ । सशस्त्र प्रहरी बल ३ नम्बर गण मोरङमा कार्यरत प्रहरी निरीक्षक इन्स्पेक्टर नवीन बुढाथोकीको उपचारको क्रममा मंगलबार बिहान मृत्यु भएको हो ।

उनको विराट मेडिकल कलेजमा उपचार भइरहेको थियो । तर भेन्टिलेटरमा राखेर उपचार गर्दा पनि ज्यान जोगाउन मुश्किल भएको अस्पतालले जनाएको छ ।

उनी तेह्रथुमको म्याग्लुङ नगरपालिका–१ का बासिन्दा हुन् । संगठनमा इमान्दार र अब्बल राष्ट्रसेवकका रुपमा परिचित बुढाथोकीको मृत्युले विराटनगर स्तब्ध बनेको छ । उनको मंगलबार विराटनगरकै एक खोलामा हिन्दु संस्कार अनुसार अन्त्येष्टि गरिएको छ ।