आज चीनका रक्षामन्त्री नेपाल भ्रमणमा आउँदै

१४ मंसिरि, काठमाडौं । चीनका रक्षामन्त्री वेइ फेङ्हो आज नेपाल भ्रमणमा आउँदै छन् । एकदिने कार्यशील भ्रमणमा उनी आज काठमाडौं आउने परराष्ट्र मन्त्रालयले जनाएको छ ।

भ्रमणका क्रममा उनले राष्ट्रपति एवं प्रधानमन्त्रीसँग शिष्टाचार भेट तथा प्रधानसेनापति पूर्णचन्द्र थापासँग भेटवार्ता गर्ने कार्यक्रम रहेको परराष्ट्र मन्त्रालयले जनाएको छ । उनी आजै साँझ स्वदेश फर्कने छन् ।